ISHATHA YETINSITA TEBAHLUKUBETWA BEBUGEBENGU ENINGIZIMU AFRIKA:
KUCINISWA NEKUFAKWA KWELUHLAKA LWAMANJE LOLUSEMTSETFWENI LOLUMACONDZANA NEMALUNGELO ETINSITA LETINIKETWA BAHLUKUBETWA BEBUGEBENGU
SENDVULELO LESETFULWE YINDVUNA YETEBULUNGISWA
NEKUTFUTFUKISWA KWEMTSETFOSISEKELO
LeShatha yetiNsita teBahlukubetwa beBugebengu eNingizimu Afrika (iShatha yeBahlukumetwa) ilithulusi lelibalulekile lekuphakamisa nekutfutfukisa kuphatfwa kwawonkhe wonkhe ngendlela lecotfo. LeShatha yebahlukubetwa ihambisana nemigomo yeMtsetfosisekelo waseNingizimu Afrika, 1996, uMtsetfo 108 wanga-1996, kanye nesimemetelo saMhlab?hlangane semiGomosisekelo yekuphatfwa ngebucotfo Bahlukubetwa beBugebengu nekuHlubetwa kweMandla, 1985 (GA/RES/40/34).
Kusukela nga-1994, ngekuhambisa nekungeniswa nekuciniswa kwelisiko lemalungelo ebantfu, kancane kancane kuyesukwa ekugcileni etinchubeni tebulungiswa tekuphindzisela ngesihluku, kuyiwa kuleto leTakhako (leTivuselela Similo). Lokungumgogodla walombono waloBulungiswa Lobakhako/ Lobuvuselela Similo kubona bugebengu njengentfo lengetulu kwelicala lelentiwe kuhulumende, kepha nanjengekulimala nemonakalo lowentiwe kulomunye umuntfu (lowo logetjengiwe/lohlukubetekile). Loku kuhambisana nembono weBuciko baVelonkhe weKulwa neBugebengu wenchubo yetebulungiswa lomiselwe kumhlukubetwa. Umgomo lohlosiwe ekugcineni kuhlomisa umhlukubetwa emandla ngekutsi kuhlangabetwane netidzingo takhe, kungaba nguletiphatsekako nobe tengcondvo-miva.
LeShatha yeBahlukumetwa kanye nalombhalo wemazingancane lonamatsiselwe, ulithulusi lelibalulekile lelicacisa kabanti liphindze licinise emalungelo netibopho letiphatselene netinsita letinganiketwa bahlukumetwa nalobo labasindze ebugebengwini eNingizimu Afrika. leShatha ivumelana/hambisana nemininingwane lekusehluko/sigaba 234 seMtsetfosisekelo.
Nginekutetsemba kutsi ngalokutinikela kwabo bonkhe labadlala indzima kuloluhlelo lwebulungiswa bebugebengu, leShatha yeBahlukubetwa itawusita ekuphumeleliseni lemitsetfo lefanele ngendlela yekwekutsi ihlangabetane nemigomo lehlosiwe ? yente bulungiswa bube yintfo lephatsekako kuwonkhe wonkhe!
INdvuna yeTebulungiswa nekuTfutfukiswa kweMtsetfosisekelo
